Aisialdi alternatiboa. Proposamen bat gazteentzat

Gazteei gauez eskaintzen zaizkien aisialdi-programa alternatiboak herri gutxi batzuetako bitxikeria izatetik jendetzak erakartzen dituen gertaera izatera igaro dira hiru urteren buruan..

Zer dira "aisiarako programa alternatiboak"? Aisiarako programa alternatiboek aisia beste era batera igarotzeko aukerak eskaini nahi dituzte, droga-kontsumotik aldendurik.

Hala ere, programa guztiek ez dute filosofia bera, eta aurrez aurre dauden bi ikuspegi kontrajartzen dituzte: batetik, arriskuen prebentzioa -gehienetan-, eta, bestetik, gazteen aisia bultzatzea. Lehenengo ikuspegiaren -arriskuei aurrea hartzea- helburu nagusia da gaueko aisiaren berezko arriskuen eragina gutxitzea eta, ahal den neurrian bederen, erabat deuseztea. Bigarren ikuspegiak -gazte-kultur berria sustatzea- programa horien helburua gazteen aisiarako aukerak zabaltzean datzala planteatzen du.

Bartzelonako udalaren ustetan, adibidez, gauetan hiria gazteez betetzeak modernotasuna ematen dio hiriari eta kanpora proiektatzen du, gainera. Hori dela eta, udalak gazteei zuzendutako aisia-proiektuak bultzatzen ditu. Madrilen, berriz, alderantziz gertatzen da: auzotarrentzat gazteak arazo-iturri dira, eta arazoari aurrea hartzeko edota istiluak zapaltzeko esku har dezatela eskatzen diete erakundeei.
droga > alkohola > eztabaida > aisialdi alternatiboa