Kokaina

Azterketa arkeologikoek frogatu dutenez, badira 5.000 urte baino gehiago koka-hostoa kontsumitzen dela Ameriketan. Hala ere, kokak ez zuen jakin-min handirik sortu konkistatzaileen artean.

XIX. mendeak iritsi behar izan zuen landarearen ondorio ezagunak sortzen dituen printzipio aktiboa bakartzea lortu arte: "kokaina" lortu arte, alegia. Hurrengo urteetan hari buruzko jakin-mina handituz joan zen, eta handizka salerosten hasi ziren berehala, hura baitzen produktu askotako oinarrizko osagaia (ardoarena, etxeko sendagaiena, eta baita Coca-Cola berarena ere). "Mirakuluzko" erremedio bihurtu zen eta gaitz-mota ororen sendagai ezinbesteko. Kokainaren defendatzaile sutsu izan ziren, adibidez, Julio Verne, Thomas Edison, Leon XIII.a aita santua, Alejandro Dumas eta, jakina, Sigmund Freud. Hala ere, luze baino lehen hasi ziren agertzen kokainaren kontsumoaren ondorio negatibo larriak.

- informazio gehiago Kokaina buruz -